miércoles, 14 de enero de 2015

I Concursu de memes de tema gaiteru

Yo fáigolo, que conste

Queda convocáu el primer concursu de memes de tema gaitísticu, humorísticos o non. Falta tema gaitísticu nos memes que se ven n'internet, nun me digáis que non. 
Podéis rebotar esti email a toles vuestres amistaes (del mundillo gaiteru, claro).

PLAZU PA PRESENTALOS
Hasta'l miércoles 28 de xineru.


NORMES
Han tar n'asturianu o en gallegu d'Asturies, con una ortografía que sea polo menos acepteibol.  
La temática ye llibre, dientro l'espectru de la gaiteridá. 
Prohíbense les temátiques sexuales, machistes, racistes, homófobes, étniques, polítiques o relixoses. 
Prohíbese la falta de respetu, directa o indirecta, a les persones o a les entidaes. 
Los memes xeneraos nun son de naide. Publicaráse'l nome de los ganadores, pero a partir d'ehí... los memes vuelen solos pela rede. Ye más, paezme que pertenecen a la páxina que los xenere.



PREMIOS
1) La difusión de los meyores nel blog "encalgaiteiru" y na comunidá gaitera virtual. Ruégase nun difundilos en privao anantes del día 28. 
2) El prestixu moral inherente a la autoría d'un meme simpáticu o memorable. 
3) Pasalo bien. 




MÉTODU:
Puede utilizase cualquier foto, conocida (tipu Julio Iglesias o Bad Joke Deivid) o propia, y cualquier xenerador de memes, como p. ex. memegenerator.net
Los memes unviaránse a diegopangua@hotmail.com, en jpg o similar.