sábado, 21 de febrero de 2015

Fariñas, gaiteiru de Cangas

Cangas

José García Tejón, Fariñas, recordáu gaiteiru del grupu "Son d'arriba", foi un gaiteiru mui nomáu en Cangas y en tol territoriu asturianu. El so nomatu víno-y del oficiu familiar, molineros en Xenra. Foi bon músicu y un paisanu célebre y queríu como pocos.

Fariñas nel Acebo, Cangas, aprox. 1950 - Foto: Familia de Marta Arbas

Continuador del estilu de Dionisio o de Casina, la so manera de tocar ye plenamente representativa de les técniques de los gaiteros del suroccidente d'Asturies: tercera menor (sacada con mediu deu), paradines del soníu del punteiru (tocar "a golpe" lo llamen en dellos sitios, enteréme gracies a Ambás),  silenciu ente'l floréu y l'entamu de la pieza...